ਅਰਾਕੋਨਮ: ਸਬ-ਲੈਫਟੀਨੈਂਟ ਅਨਾਮਿਕਾ ਬੀ. ਰਾਜੀਵ ਨੇ ਜਲ ਸੈਨਾ ਦੀ ਪਹਿਲੀ ਮਹਿਲਾ ਹੈਲੀਕਾਪਟਰ ਪਾਇਲਟ ਬਣ ਕੇ ਇਤਿਹਾਸ ਰਚਿਆ ਹੈ। ਉਸਨੇ ਸ਼ੁੱਕਰਵਾਰ ਨੂੰ ਨੇਵੀ ਹੈਲੀਕਾਪਟਰ ਪਾਇਲਟ ਵਜੋਂ ਗ੍ਰੈਜੂਏਸ਼ਨ ਕੀਤੀ। ਕੇਂਦਰੀ ਸ਼ਾਸਤ ਪ੍ਰਦੇਸ਼ ਲੱਦਾਖ ਦੇ ਪਹਿਲੇ ਕਮਿਸ਼ਨਡ ਜਲ ਸੈਨਾ ਅਧਿਕਾਰੀ ਲੈਫਟੀਨੈਂਟ ਜਮਯਾਂਗ ਤਸੇਵਾਂਗ ਨੇ ਵੀ ਹੈਲੀਕਾਪਟਰ ਪਾਇਲਟ ਵਜੋਂ ਗ੍ਰੈਜੂਏਸ਼ਨ ਕੀਤੀ।
ਤਾਮਿਲਨਾਡੂ ਦੇ ਰਾਕੋਨਮ ਵਿਖੇ ਆਈਐਨਐਸ ਰਾਜਲੀ ਵਿਖੇ ਪਾਸਿੰਗ ਆਊਟ ਪਰੇਡ ਦਾ ਆਯੋਜਨ ਕੀਤਾ ਗਿਆ। ਰੱਖਿਆ ਮੰਤਰਾਲੇ ਨੇ ਸ਼ਨੀਵਾਰ ਨੂੰ ਕਿਹਾ ਕਿ ਪੂਰਬੀ ਜਲ ਸੈਨਾ ਕਮਾਨ ਦੇ ਫਲੈਗ ਅਫ਼ਸਰ ਕਮਾਂਡਿੰਗ-ਇਨ-ਚੀਫ਼ ਵਾਈਸ ਐਡਮਿਰਲ ਰਾਜੇਸ਼ ਪੇਂਧਰਕਰ ਨੇ ਬੇਸਿਕ ਹੈਲੀਕਾਪਟਰ ਪਰਿਵਰਤਨ ਕੋਰਸ (ਬੀਐਚਸੀਸੀ) ਦੇ ਤਿੰਨ ਅਧਿਕਾਰੀਆਂ ਸਮੇਤ 21 ਅਧਿਕਾਰੀਆਂ ਨੂੰ ‘ਗੋਲਡਨ ਵਿੰਗਜ਼’ ਨਾਲ ਸਨਮਾਨਿਤ ਕੀਤਾ ਗਿਆ।
ਬੇਸਿਕ ਕਨਵਰਜ਼ਨ ਕੋਰਸ (ਬੀ.ਸੀ.ਸੀ.) ਦੇ ਤਿੰਨ ਅਧਿਕਾਰੀਆਂ ਨੇ ਸਿਖ਼ਲਾਈ ਦਾ ਪਹਿਲਾ ਪੜਾਅ ਪੂਰਾ ਕੀਤਾ। ਇਨ੍ਹਾਂ ਪਾਇਲਟਾਂ ਨੇ ਨੇਵਲ ਏਅਰ ਸਕੁਐਡਰਨ ’ਚ 22 ਹਫ਼ਤਿਆਂ ਦੀ ਸਿਖ਼ਲਾਈ ਤੋਂ ਬਾਅਦ ਇਹ ਡਿਗਰੀ ਪ੍ਰਾਪਤ ਕੀਤੀ। ਲੈਫਟੀਨੈਂਟ ਗੁਰਕੀਰਤ ਰਾਜਪੂਤ ਨੂੰ ਫਲਾਇੰਗ’ਚ ਆਰਡਰ ਆਫ਼ ਮੈਰਿਟ ’ਚ ਪਹਿਲੇ ਸਥਾਨ ‘ਤੇ ਰਹਿਣ ਵਾਲੇ ਸਿਖਿਆਰਥੀ ਪਾਇਲਟ ਲਈ FOCINC, ਈਸਟਰਨ ਨੇਵਲ ਕਮਾਂਡ ਰੋਲਿੰਗ ਟਰਾਫ਼ੀ ਨਾਲ ਸਨਮਾਨਿਤ ਕੀਤਾ ਗਿਆ। ਸਬ ਲੈਫਟੀਨੈਂਟ ਕੁੰਟੇ ਮੈਮੋਰੀਅਲ ਬੁੱਕ ਐਵਾਰਡ ਲੈਫਟੀਨੈਂਟ ਨਿਤਿਨ ਸ਼ਰਨ ਚਤੁਰਵੇਦੀ ਨੂੰ ਦਿੱਤਾ ਗਿਆ। ਲੈਫਟੀਨੈਂਟ ਦੀਪਕ ਗੁਪਤਾ ਨੂੰ ਕੇਰਲ ਗਵਰਨਰ ਰੋਲਿੰਗ ਟਰਾਫ਼ੀ ਨਾਲ ਸਨਮਾਨਿਤ ਕੀਤਾ ਗਿਆ। ਲੈਫਟੀਨੈਂਟ ਦੀਪਕ ਗੁਪਤਾ ਨੂੰ ਮੈਰਿਟ ਦੇ ਸਮੁੱਚੇ ਕ੍ਰਮ ’ਚ ਪਹਿਲੇ ਸਥਾਨ ‘ਤੇ ਰਹਿਣ ਲਈ ਕੇਰਲ ਗਵਰਨਰ ਰੋਲਿੰਗ ਟਰਾਫ਼ੀ ਨਾਲ ਸਨਮਾਨਿਤ ਕੀਤਾ ਗਿਆ। ਪੰਜ ਦਹਾਕਿਆਂ ਤੋਂ ਵੱਧ ਸਮੇਂ ’ਚ ਹੈਲੀਕਾਪਟਰ ਸਿਖ਼ਲਾਈ ਸਕੂਲ ਨੇ ਭਾਰਤੀ ਜਲ ਸੈਨਾ ਅਤੇ ਤੱਟ ਰੱਖਿਅਕਾਂ ਦੇ ਨਾਲ-ਨਾਲ ਮਿੱਤਰ ਦੇਸ਼ਾਂ ਦੇ 849 ਪਾਇਲਟਾਂ ਨੂੰ ਸਿਖ਼ਲਾਈ ਦਿੱਤੀ ਹੈ।
